طبعا نقدر؟؟؟؟ من فضلكم ادخلوا....هام جدااااااااااا

طبعًا نقدر

في البداية حبيت أقول إن بعض الأفكار هنا استلهمتها من برنامج على احد القنوات

حلقة كانت تتكلم عن الجوال و أثرت فيني كثير و خلتني أراجع حساباتي
جوالك
وش يمثل بالنسبة لك؟
هل هو جزء ما يتجزأ من حياتك
أو ضرورة
أو عادي وجوده مثل عدمه؟؟
طيب.. جوالك هل يدل على هويتك الإسلامية؟
يعني لو ضاع في بلاد كافرة مثلا و جا في يد واحد هل راح يفتكر إنه لشخص مسلم
هل جوالك لو مت (بعد عمر طويل بالطاعات إن شاء الله) هل راح تتحسف على بعض الأشياء اللي مو زينة فيه؟
هل الأرقام اللي عندك كلها حلال تكلم أصحابها و الا عندك أرقام لبنات و إنتي عندك أرقام شباب (حتى لو كان رقم واحد)؟
كم ساعة تقعد على جوالك في اليوم؟ هل هالساعات تفيدك و الا بس تضيع وقتك؟
رسايلك هل فيها شي غلط ؟ أم إنها حلال إن شاء الله ما أقول لا تضحك و لا تسولف و لا ترسل شعر شوق للأحباب
لكن أقووول حط لك معيار و هو (هل هالشي حلال؟؟ هل يرضي الله؟؟)
كم مقطع أرسلت من البلوتوث؟؟ هل كلها حلال؟؟ يعني ما فيها شي يمس الدين؟
طيب تخيل إنك لو أرسلت مقطع محرم لشخص و انتشر هذا راح يكون عمل جاري يمكن يستمر انتشاره إلى يوم الدين تخيل؟
طيب سؤال: إنت ضامن دخول الجنة؟ طبعًا لا .. طيب ليه تستسهل معاصي الجوال؟؟
لا تنظر إلى صغر الخطيئة بل انظر إلى عظمة من عصيت!!
لما تكلم أصحابك هل تسب و تشتم و تلعن و تقول كلام غير لائق ؟؟ إحنا ما نقول لا تمزح امزح بس بالحلال!!
طيب هل استثمرت جوالك في صلة الأرحام؟ أم إن جوالك قرب البعيد و باعد القريب؟؟
لما يتصل فيك رقم غريب و يفصل و تتصل فيه و تلاقيه رقم لشابة هل تلين كلامك و الا تلزم حدودك؟ و العكس بالنسبة للفتاة لما تكلم أي شاب (موظف الاتصالات مثلا!) هل تكلمينه باحترام و الا تحسنين صوتك؟؟
طيب نغمة جوالك! هل هي مقطوعة موسيقية و الا أغنية و الا شي حلال
أنشودة مثلا مع العلم (إن النغمات اللي يكون فيها دعاء و قرآن هذي تكلم فيها بعض العلماء و قالوا ما تجوز)
طيب لقبك في البلوتوث وش هو ؟؟
ما أقول لازم يكون تذكير
بالعكس عادي أي لقب يراعي الذوق العام
بس و الله في ألقاب لما أقراها أستحقر الشخص فيها قلة أدب و فيها مساخة بمعنى أصح
الصور اللي في جوالك
خذ لفة عليها الحين في صورة مكانها غلط تحسها حرام و صوتك الداخلي يقول لك امسحها بسرعة؟
طيب ليش ما تمسحها؟ ليش الإصرار على الذنب؟
مقاطع الفيديو كلها عادي ما في مشكلة فيها و الا فيها مقاطع فضائح للمشاهير و فيها مقاطع سب للبعض و فيها مقاطع فيديو كليبات و مقاطع رقص بنات مثلا و... و المصيبة لما ترسلها و إنت شاق الضحكة من الإذن للإذن لأي شخص و في النهاية راح تتضاعف ذنوبك و إنت (مو ناقص ذنوب!!)
أحيانًا بعض الناس لما نجلس في استراحة المستشفى مثلا يبدا يفتح في الصوتيات و يزعج الناس بها
أغاني و مقاطع ثانية (حتى لو كان قرآن) ما لك حق تزعج الآخرين يمكن في شخص يبي ينام و إنت رافع الصوت للآخر على الأقل رخي الصوت شوي أو حط سماعات أو استأذن إن بغيت الناس يستفيدون!!
كم مرة أزعجت الناس بجوالك؟؟ كم مرة أخطيت على أحد؟؟ كم مرة ضيعت فلوسك في أشياء ما تودي و لا تجيب؟؟
كم ساعة قعدت فيها تسولف في كلام (فاضي)؟؟
طيب تخيل إن الدنيا فجأة صارت بدون جوالات يعني مثلا صار في خلل في الأبراج و انتهت الجوالات من العالم
كيف راح تصير حياتك إنت إنت (لا تقول الناس راح يصيرون كذا وكذا) إنت شلون بتصير حياتك؟
يمكن البعض راح يتعبون في أول الأيام
لكن بعدين راح نتأقلم لأن الجوال بطبيعة الحال مو زي المويه إن انتهت ننتهي
طيب بما إنه كذا ليش صرنا مدمنين لآخر حد
جلساتنا صارت مملة ما في سوالف كل واحد يطقطق في جواله و إن تكلمنا قلنا (أرسل .. استقبل)

طيب أكيد الكل توصله رسايل طيب سؤال كلها ترضي الله؟؟
ما أقول المزح و الضحك ممنوع بالعكس أنا من الناس اللي أحب أستهبل في كل شي (بالحلال إن شاء الله) يعني مو معقولة تصير حياتنا كلها رسميات و رسايلنا كلها نصايح (ساعة و ساعة)
لا عادي بس ليش رسايل المقارنات بين الشعوب؟ و ليش تخصيص الجنسيات في نكت معينة
و ليش ننشر نكت نستحي نقراها؟ و ليش ننشر إشاعات ما ندري هي صح و الا غلط؟ (فهمتوا قصدي؟؟)
طيب أقول لكم شي ثاني
في بعض النااس يرسلون يبون الخير إن شاء الله لكن يسوون أشياء غريبة
مثلا (انشر تؤجر)<< مع إن الشيوخ انبحت أصواتهم و هم يقولون ما يصيييييييييير
و بعد (أسألك بالله العظيم إنك تستغفر الله لا يسامحك إن ما استغفرت)<< خيييييير؟؟ بالغصب هو؟؟
و الا رسالة مدري شتبي و سألت عنها شيخ قال هذا من الابتداع في الدين (لنرى إن كان الشيطان قادرًا على إيقاف هذه الرسالة)
و الا بعد اللي ينشرون أي حديث و هي أحاديث أول مرة أسمعها في حياتي يعني أشياء ما تتصدق
و كمان اللي يرسل في فضل السور القرآنية إحنا نعرف فضل بعض السور اللي نص عليها الحديث (الصحيح) لكن ليش نكذب لما نبي نرغب الناس في الخير أبي أعرف ليه؟
و عندكم اللي يرسل فضل أدعية معينة مع إنها ما وردت عن الرسول صلى الله عليه و سلم
نبي نكون راقين في رسائلنا ندعو للخير بالصدق و بأسلوب الموعظة الحسنة
ننقل قصة مفيدة قرأناها في كتاب
ننقل معلومات صحية
نستهبل و نفلها و نضحك بالحلال طبعًا
نسأل عن الأحوال و نكون ذوق شوي يعني لما نفقد شخص نسأل عنه و نحتسب الأجر
شفت برنامج حلو أرسل رسالة لأحبابك بأسلوب قول شوفو قناة .... فيها كذا و كذا
بكرا الإثنين قول لا تنسون الصيام (حتى لو ما تقدر تصوم)
قبل النوم أرسل قول (لا تنسون الوتر)
صاحبك مريض اتصل فيه و إن ما قدرت أرسل له << و ادع له)
فاقد لك شخص أرسل له (وينك؟)
بمعنى عيييييييش حياتك و استعمل جوالك في كل شي لكن (بالحلال)
طيب السؤال الحين هل نقدر نتعاهد على إنا نسوي كل اللي ذكرناه
هل جوالك راح يكون شاهد لك
هل راح تمسح أي رسالة سخيفة و أي صورة أو مقطع حرام الحيييييين؟
هل لو كان الرسول صلى الله عليه و سلم عايش و أعطيته جوالك هل راح يرضى عنك و الأهم هل ربي اللي يعلم سرك و نجواك راضي عن جوالك؟
هل جوالك يقربك للجنة أو للنار؟؟
أتمنى يكون الكلام وصل للقلب قبل العين
و أتمنى إن كلللللللنا نقدر
و نقول (طبعًا نقدر) بكل ثقة